|
|
 |
Benquerido amigo, acabas de entrar na páxina web de CÁRITAS DIOCESANA DE TUI-VIGO.
CÁRITAS é o organismo de acción caritativa e promoción social da Igrexa Católica; unha organización con 58 anos de existencia que é expresión organizada da caridade e do compromiso cos excluídos. Unha organización formada maioritariamente por voluntarios de todas as idades e condicións que entenden a acción voluntaria como unha vocación persoal e comunitaria de participación social, de servicio de balde aos demais, especialmente aos que máis sofren, e de compromiso sostido pola transformación da sociedade, e non como un medio fácil para tranquilizar a conciencia, para adquirir prestixio e para promoverse socialmente.
A través desta páxina poderás coñecer a súa identidade, as súas actividades, as súas campañas, os seus obxectivos, cómo colaborar, cómo ser voluntario... e moitas cousas máis.
Unha das tarefas de CÁRITAS é a de suscitar na sociedade o compromiso da solidariedade cos máis necesitados, como os que menos teñen, cos últimos e non atendidos, con todos os pobos; para que este espírito de solidariedade sexa coñecido e compartido polo maior número de persoas. Esperamos que este obxectivo se cumpra na túa persoa.
Moitas gracias pola atención que nos prestas.
|
|
