|
|
 |
C A M P A Ñ A 2 0 0 8 - 2 0 0 9 UNHA SOCIEDADE CON VALORES É UNHA SOCIEDADE CON FUTURO
Cáritas, como expresión da solidariedade fraterna da comunidade cristiá, é portadora duns valores que no marco da nosa tradición relixiosa e espiritual fixeron posible sociedades máis xustas e igualitarias. Os valores definen o modelo de persoa e de sociedade, e polo tanto son reflexo da «boa saúde» das relacións humanas e dunha sociedade que vive en harmonía e equilibrio.
O estado do mundo nestes inicios do século XXI non parece que responda exactamente ao concepto de harmonía, paz e xustiza que o convertería nun lugar habitable e tranquilo para todos.
A pobreza que padecen as tres cuartas partes da humanidade, a escaseza e encarecemento dos alimentos que afecta en especial aos máis pobres, a sobreexplotación da natureza coas súas graves consecuencias reflectidas no cambio climático, a loita pola auga, as guerras e os fanatismos políticos e relixiosos, a violencia presente en todos os ámbitos das nosas relacións, son reflexo do estilo de vida predominante na nosa sociedade, caracterizado polo individualismo, a insolidariedade, o egoísmo ou o consumismo.
Dende Cáritas queremos propoñer un cambio urxente de estilo de vida que dea lugar a un cambio de sociedade, onde non haxa últimos nin excluídos, onde as relacións que se establecen entre as persoas sexan máis humanizadoras e sanadoras, onde cada un se sinta responsable do mundo no que vive.
Para iso, Cáritas pon en marcha a súa campaña institucional para o período 2008-2010 que ten como eixes centrais unha serie de valores que forman parte da esencia e identidade da mesma Cáritas e da súa misión, e que ten a súa raíz na opción preferencial polos máis pobres.
Preséntase co lema «Unha sociedade con valores é unha sociedade con futuro» e a través dela e durante dous anos, invita a afondar e reflexionar sobre o modelo de sociedade no que vivimos, presentando catro valores que, postos en xogo, nos levan a remodelar a nosa sociedade facéndoa máis humana e habitable para todos, especialmente para os que viven á marxe e aos excluídos: a comuñón, a participación, a diversidade e a gratuidade.
Estes valores móstrannos que outro estilo de vivir é posible.
MATERIAIS DA CAMPAÑA
Materiais para os mozos e adultos [13.101 KB]
Materias para os nenos [6.213 KB]
NADAL
Guión litúrxico [3.302 KB]
CARIDADE
Guión litúrxico [3.302 KB]
MATERIAIS DA CAMPAÑA 2009-2010:
"OTRO ESTILO DE VIDA É POSIBLE"
Materiais para mozos e adultos [4.789 KB]
Materiais para os nenos [3.165 KB]
Xesto [1.501 KB]
NADAL
Guión litúrxico [1.408 KB]
CARIDADE
Guión litúrxico [2.720 KB]
|
|
