Formación
	Taller de soldadura
	Talleres de Traballadoras do Fogar

F O R M A C I Ó N 

Ao longo de 2009 programáronse un total de 3 accións formativas realizadas pola Cáritas Diocesana de Tui-Vigo e 2 accións realizadas conxuntamente entre Cáritas Diocesana e a Fundación Secretariado Xitano: Taller de Soldadura e 2 Talleres de Traballadoras de Fogar e Curso de Manipulador de Alimentos e Curso de Prevención de Riscos Laborais, respectivamente.

T A L L E R   D E   S O L D A D U R A 

Constou dun total de 540 horas, das que 500 corresponderon á ocupación de soldador/a. Durante as 40 horas restantes impartíronse os módulos Transversais en Políticas de Igualdade, Sensibilización Medioambiental e Alfabetización en Novas Tecnoloxías.

Os Módulos relativos a Soldador/a de estruturas metálicas lixeiras foron:

- Soldadura de estruturas metálicas con electrodo revestido

- Soldadura Semiautomática MAG de Estruturas Lixeiras

- Soldadura Semiautomática MIG de Depósitos de Aceiro Inoxidable e aluminio.

O Taller foi iniciado o 7/01/2009 e finalizado o 22/05/2009. Finalizou antes da data prevista inicialmente debido ao aumento de horas lectivas ao día. Participaron un total de 16 persoas, sendo 2 delas mulleres.

T A L L E R E S   D E   T R A B A L L A D O R A S   D O   F O G A R 

Ao longo do período outubro 2008 - decembro de 2009 realizáronse dous Talleres de Traballadoras de Fogar dentro do Programa Operativo Loita contra a Discriminación e dous Talleres de Traballadoras de Fogar desenvolvido con fondos Propios.